Midj é kmida d’pove
Ma kenhé kê pove
Kem ta tmê so midj
O kem t’alternal k’bife
Midj ta junta pove
K’tude sês diferença
Midj é pa tud gente
Katchupa kê diferente
Katchupa kram ta da pelagra
Katchupa rika é pa folia
É pa fim d’smana ma politika xterna
Importa midj, xporta katchupa
Traca plom pa mkna d’pla
Tra amdjer d’kulmice
D’kutxi pa terra cria
Kutxi, kutxi, Bia, pla,
Da d’pau bo tra farel
Pla, pla, pla kutxi, pla!
Antes d’plom ba pa xtante
– Kiki Lima