Umbertona! Manhã
‘m ta ba lançode pa s’ilha
Bô ta tem n’hum sinal d’amor
Pame levâ bôs gente?
Não ‘m ta sec
broken
dsorientode c’ma carangueje
Ma bô catem
n’nhum cantiga d’exilode
Daquês sem palmanha
nem boquinha de note
pame levá boca de pove?
Bai! bô dzê Soncent
c’ma sombra dnha corpe ê cruz
Longe de sol dnha terra
ta rolâ na África
ta rolâ n’Iropa
ta tolâ na Merca
ta rolâ na mapa
ta rolâ na munde
Bai! bô dzê Porte-Grande
Pa ca tchomo-me sodade
Paquê nha nome ê sangue
E sangue de na sodade ê
C’ma sol dnha terra longe
Palmanhã
Sperança na Monte Verde
Dnote
dsuspère na Monte Cara
Bai! bô dzê Monte Cara
C’ma suor dnha coraçon ê mar
E arve dnha corpe ê navi
C’se mar na costa
C’se pé na tchon
n’orela d’munde ta bai
C’mo rio Jordão ta corrê
p’iternidade de Criste
Recode! bai bô dzê
pove de Tchuba Tchobê
C’ma se pedra di tchon ê letra
Planta dnha pê ê scola
Paquê
Nha pê ê lorg
nha pê ê grande
E munde
ê um didal na nha dedona
– Corsino Fortes, in A Cabeça Calva de Deus, 2001
Corsino António Fortes
(S. Vicente, 14 de Fevereiro de 1933)